సొంత ఖర్చుతో బేబీ కిట్ల పంపిణీ సర్పంచ్ విజయ్ కుమార్ లోని మానవత్వానికి నిదర్శనం.

నవజాత శిశువుల కుటుంబాలకు అండగా సర్పంచ్ - గ్రామంలో ప్రశంసలు.
జోగులాంబ గద్వాల2 నవంబర్ 2026 తెలంగాణ వార్త ప్రతినిధి :- ధరూర్ మండల కేంద్రంలో గ్రామ సర్పంచ్ డిఆర్ విజయ్ కుమార్ తన మానవతా దృక్పథాన్ని మరోసారి చాటుకున్నారు. ఎలాంటి ప్రభుత్వ నిధులు కాకుండా, పూర్తిగా తన సొంత ఖర్చులతో నవజాత శిశువులకు బేబీ కిట్లు పంపిణీ చేసే వినూత్న కార్యక్రమానికి శ్రీకారం చుట్టి గ్రామస్థుల ప్రశంసలు అందుకుంటున్నారు. గ్రామానికి పెద్దగా, ప్రజా సేవకుడిగా తన బాధ్యతను నిరూపిస్తూ, పుట్టిన ప్రతి బిడ్డను తన కుటుంబ సభ్యుడిగా భావిస్తూ ఈ కార్యక్రమాన్ని చేపట్టడం విశేషం.ముగ్గురు చిన్నారులకు బేబీ కిట్లు: ఇందులో భాగంగా ధరూర్ గ్రామానికి చెందిన మూడు కుటుంబాలకు బేబీ కిట్లను అందజేశారు.
1. నరేంద్ర & అంజలి దంపతులకు మగబిడ్డ జన్మించగా
2. బోయ ఆంజనేయులు & కృష్ణవేణి దంపతులకు మగబిడ్డ జన్మించగా
3. కురువ రంగన్న & మహేశ్వరి దంపతులకు మగబిడ్డ జన్మించగా
వారి ఇళ్లకు వెళ్లి, శిశువులకు అవసరమైన బట్టలు, సబ్బులు, పౌడర్లు, ఆయిల్, టవల్స్ వంటి నిత్యావసర వస్తువులతో కూడిన బేబీ కిట్ ను సర్పంచ్ స్వయంగా అందజేశారు. సర్పంచ్ విజయ్ కుమార్ మాట్లాడుతూ "పుట్టిన ప్రతి బిడ్డ దేవుడితో సమానం. ఆ బిడ్డ కుటుంబానికి నా వంతుగా చిన్న సహాయం చేయాలనే ఆలోచనతోనే ఈ బేబీ కిట్ పంపిణీని మొదలు పెట్టాను. ఇది కేవలం కిట్ కాదు, నా ఆశీర్వాదం. గ్రామంలో పుట్టే ప్రతి బిడ్డకు ఈ కిట్ అందేలా చూస్తాను. సేవే నా లక్ష్యం" అని తెలిపారు.ఈ కార్యక్రమం గ్రామ ప్రజలు, యువకుల సమక్షంలో ఘనంగా జరిగింది. సర్పంచ్ చేస్తున్న సామాజిక సేవా కార్యక్రమాలపై గ్రామస్థులు హర్షం వ్యక్తం చేస్తున్నారు. పదవి అంటే కేవలం హోదా కాదు, సేవా భావం అని విజయ్ కుమార్ నిరూపిస్తున్నారని స్థానికులు కొనియాడుతున్నారు. ఈ కార్యక్రమంలో ఉప సర్పంచ్ ఇదన్న, సీనియర్ నాయకులు భీమ్ రెడ్డి, డివై లక్ష్మన్న, చిరు శ్రీధర్, లాజర్, కారం రవి, రవి, వార్డు మెంబర్లు గోకరన్న, పెద్ద దేవన్న, బీసన్న, శంకర్ తదితరులు పాల్గొన్నారు.