జనగామలో విషాదం.. ఇంటర్ విద్యార్థిని ఆత్మహత్య

జనగామలో ఇంటర్‌ విద్యార్థిని ఆత్మహత్యకు పాల్పడిన ఘటన విషాదం నింపింది. హైదరాబాద్‌లోని ఓ ప్రైవేట్‌ కళాశాలలో ఇంటర్‌ మొదటి సంవత్సరం చదువుతున్న విద్యార్థిని, జనగామ కలెక్టరేట్‌ సమీపంలోని తన నివాసంలో ఆదివారం తెల్లవారుజామున ఫ్యాన్‌కు ఉరివేసుకుని మృతి చెందింది.

ఉదయం 7 గంటల సమయంలో తల్లిదండ్రులు గుర్తించి పోలీసులకు సమాచారం అందించారు. పోలీసులు ఘటనా స్థలానికి చేరుకుని మృతదేహాన్ని జిల్లా ఆసుపత్రి మార్చురీకి తరలించారు. విద్యార్థిని మృతికి గల కారణాలు తెలియాల్సి ఉంది. ఈ ఘటనపై పోలీసులు దర్యాప్తు చేస్తున్నట్లు సమాచారం.