పోలీసు అమరవీరుల త్యాగాలు అజరామరం: సూర్యాపేట జిల్లా పోలీసు కళా బృందం

సూర్యాపేట జిల్లా, అక్టోబర్ 23: పోలీస్ ఫ్లాగ్ డే (Police Flag Day) మరియు అమరవీరుల సంస్మరణ వారోత్సవాలలో భాగంగా సూర్యాపేట జిల్లా పోలీసు కళా బృందం ఆధ్వర్యంలో తిరుమలగిరి, నాగారం, మరియు అర్వపల్లి మండల కేంద్రాలలో ప్రత్యేక అవగాహన కార్యక్రమాలు నిర్వహించారు. ఆయా మండల కేంద్రాల ప్రధాన సెంటర్లలో కళా బృందం సభ్యులు పోలీసు అమరుల త్యాగాలను స్మరిస్తూ పాటలు, కళా రూపాలు, మరియు వివిధ సాంస్కృతిక కార్యక్రమాల ద్వారా ప్రజలకు అవగాహన కల్పించారు.
శాంతిభద్రతల పరిరక్షణ కోసం ప్రాణాలను సైతం లెక్కచేయకుండా పోలీసులు నిర్వర్తిస్తున్న విధులను, వారి త్యాగాలను కళాకారులు కళ్లకు కట్టినట్లు ప్రదర్శించారు. సమాజంలో ప్రశాంతమైన వాతావరణం నెలకొనడానికి, ప్రజలు హాయిగా జీవించడానికి పోలీసులు రాత్రింబవళ్ళు అసాధారణ పరిస్థితులలో విధులు నిర్వహిస్తున్నారని, ఈ క్రమంలో తమ ప్రాణాలను త్యాగం చేసిన అమరుల త్యాగాలు చిరస్మరణీయమని తెలిపారు.
ఈ కార్యక్రమాలలో ఆయా మండలాల స్థానిక పోలీసు సిబ్బంది కూడా పాల్గొని ప్రజలను ఉద్దేశించి మాట్లాడారు. పౌరులంతా పోలీసుల త్యాగాలను గుర్తించాలని, వారి త్యాగాల ఫలితమే నేడు సమాజంలో కనిపిస్తున్న శాంతిభద్రతలు అని వారు పేర్కొన్నారు. పోలీసులకు, ప్రజలకు మధ్య సత్సంబంధాలు పెంపొందించుకుంటూ, నేరరహిత సమాజ నిర్మాణానికి ప్రతి ఒక్కరూ పోలీసులతో కలిసి సహకరించాలని ఈ సందర్భంగా పిలుపునిచ్చారు.
ఈనెల 26వ తేదీన జిల్లా కేంద్రంలో ఎస్పీ కార్యాలయం నందు రక్తదాన శిబిరాన్ని ఏర్పాటు చేయడం జరిగిందని ఈ రక్తదాన శిబిరంలో పౌరులు ప్రజలు యువత అధిక సంఖ్యలో పాల్గొని అమరుల చిహ్నంగా రక్తదానం చేయాలని తల సేమియా వ్యాధి రోడ్డు ప్రమాదాలలో రక్తం కోల్పోయిన వారికి ఇలాంటి వారికి అత్యవసర సమయంలో రక్తం అందజేయడానికి ముందుకు రావాలని సూచించారు. అలాగే సైకిల్ ర్యాలీలు కొవ్వొత్తుల ర్యాలీలు పోలీస్ స్టేషన్ల పరిధిలో నిర్వహించడం జరుగుతుందని ఈ కార్యక్రమంలో పెద్ద ఎత్తున ప్రజలు పాల్గొని పోలీసు అమరవీరులకు నివాళులు అర్పించాలని సూచించారు. విద్యార్థుల కోసం ప్రత్యేకంగా వ్యాసరచన పోటీలు నిర్వహించడం జరుగుతుందని సామాజిక అంశాలు సైబర్ మోసాల నివారణ పట్ల ప్రజల చైతన్యము మాదకద్రవ్యాల నివారణ పట్ల ప్రజల చైతన్యము భాగస్వామ్యాలకు సంబంధించి రోడ్డు ప్రమాదాల నివారణ ప్రజల భాగస్వామ్యం కు సంబంధించి వ్యాసరచన పోటీలు ఉంటాయని వీటిల్లో విద్యార్థులు అధికంగా పాల్గొనాలని తెలిపారు.