అత్యంత వైభవముగా అట్ల బతుకమ్మ వేడుకలు

ఖమ్మం నగరంలో బుధవారం విజయనగర్ కాలనీ 56వ డివిజన్ శ్రీ షిరిడి సాయి బాబా మందిర ప్రాంగణంలో ఐదవరోజు అట్ల బతుకమ్మ వేడుకలను అత్యంత వైభవముగా జరుపుకున్నారు. మహిళందరూ భారీగా తరలి రావడం తో ఆ ప్రాంతం ఆహ్లాదకరంగా మారింది. చిన్న పెద్ద అనే తారతమ్యం లేకుండా అందరూ కలిసి బతుకమ్మ చుట్టూ ఉయ్యాల పాటలతో, చప్పట్లు ఆటలతో, కోలాటాలతో ఆడుకోవడం జరిగింది. అనంతరం ప్రసాద వితరణ, బతుకమ్మల నిమజ్జన కార్యక్రమాలు జరిగాయి. ఈ కార్యక్రమంలో స్థానిక మహిళలు పెద్దలు అధిక సంఖ్యలో పాల్గొన్నారు.