పట్టభద్రులు ఓటు నమోదు చేసుకోవాలి.

అడ్డగూడూరు 3 అక్టోబర్ 2026 తెలంగాణవార్త రిపోర్టర్:- నల్గొండ ఖమ్మం వరంగల్ రాబోయే పట్టభద్రుల ఎమ్మెల్సీ ఎన్నికల నేపథ్యంలో అర్హులైన పట్టభద్రులoదరూ ఓటర్లుగా తమ పేర్లను నమోదు చేసుకోవాలి తుంగతుర్తి నియోజకవర్గ బీఆర్ఎస్వి నాయకులు లింగాల మధు గౌడ్ ఒక ప్రకటనలో పిలుపునిచ్చారు.ప్రభుత్వం నిబంధనల ప్రకారం పట్టభద్రులు తమ పూర్తి వివరాలతో కూడిన ఫామ్-18 ద్వారా దరఖాస్తు చేసుకోవాలని ఆయన సూచించారు.ఈ సందర్బంగా ఆయన మాట్లాడుతూ.. ప్రజాస్వామ్యంలో ఓటు హక్కు అత్యంత కీలకమైంది.విద్యావంతులైన పట్టాభద్రులు చైతన్యవంతంగా ఓటర్ నమోదు ప్రక్రియలో పాల్గొనాలని కోరారు.గతంలో ఓటు హక్కు ఉన్నప్పటికీ,ఎమ్మెల్సీ ఎన్నికల నిబంధనల ప్రకారం ప్రతి ఒక్కరు కొత్తగా మళ్లీ ఆన్లైన్ లేదా ఆఫ్లైన్ ద్వారా నమోదు చేసుకోవాల్సి ఉంటుందని ఆయన స్పష్టం చేశారు.